اتقنوا في اعمالكم

السلام عليكم 

كيفكم ؟

اليوم راح اتكلم في البوست عن الاتقان 

امممم لانو شايفه في الايام هادي صاروا الناس سواءا في شغلهم او دراستهم او عمل تطوعي او اي شي 

يسوا اي اكلام اهم شي يخلصوا بدري و من غير جهد 

وهم ناسين كلام الرسول صلى الله عليه وسلم 

(إن الله يحب إذا عمل أحدكم عملاً أن يتقنه)

يعني انصدمت!! 

لما رحت الاحوال المدنيه عشان ابغى اطلع لي بطاقه يعني قمه في الاستهتار و اوراق مهمه طايحه  والوحده مالها خلق تشتغل واي كلام اهم شي يمشوا المراجعات ويخلصوا

حبيبي اذا انتي مالك خلق لاحد ونفسيتك تعبانه ليه جيتي من اساسه 

يعني انا لما رحت وطلبت جواز السفر اعطيتها ولما فرغت منه حطته على الطاوله جنب الكمبيوتر واعطتني ورقة البيانات وقالت يلا اللي بعدوا قلت لها ابغى جواز السفر حقي قالت انتي ما اعطتيني قلت لها اعطيتك قامت تصارخ ومادري ايش ومو فايقة لك 

قلت لها حبيبي مو فايقة لي طقي راسك بالجدار جواز السفر تطلعيه الحين وصارت شويت مضاربه لانو جدا نرفزتني 

يعني لا اتقان في عمل وكمان تضيع اشياء الناس وكمان مالها خلق جات رئيستهم مادري مين اهم شي وحده اعلى منهم وقلت لها السالفه قامت هي بنفسها تدور لقيت الجواز تحت جنب الزباله يعني استهتار مو طبيعي 

ومره في المدرسه

قلنا للمديرة نبي بروجيكتر عندنا في الفصل قالت اوكي وراح نعلقوا لكم قلنا طيب 

اليوم الثاني لقينا البروجيكتر مرمي مع اسلاكه في الارض لا علقوه ولا هم يحزنون 

طيب ليش والله ماراح تخسروا شي لو اتقنتوا في عملكم 

انا مااقول والله شوفوني انا البيرفكت الواو اللي متقنه دايما في عملي لا بس احاول على الاقل عشان يكون شغلي مقبول شوي او يبان فيه تعبي 

اذا انتي مو قد الشغل او العمل الي رشحتي نفسك فيه خلاص لا تسويه واذا كابرتي وقلتي اقدر عليه ذنبك على جنبك ولازم وغصب عنك تتقنيه .

يعني تخيلي كم من اجر راح تحصلي عليه لو اتقنتي شوي في عملك 

واصلا شي حلو لما تسوي شي  متقن ويثنوا الناس عليك تحسي انو شي لو قيمه 

واللي تقول انو انا احاول و مايضبط  وشغلها باين انوعلسريع و ومبين انو اي كلام وتسكيته بس اقول لها اسفه اختي

اللي تحاول يبان شغلها ولي مافكرت تحاول يعني هو حيا الله مثلا ورقه او اي شي يبان و في فرق جدا شاسع ويبان ذا الفرق

وانا من الحين راح ابدأ حمله مع نفسي اسمها اتقنوا  في اعمالكم >>>>قلتيها مع نفسك 

ان شاء الله استفدتوا من البوست ولو القليل 

love you ♥

   ♥take care and goodbye